شرح مفصل لـ طريقة تنزيل أفلام من النت عن طريق الـ Torrent

.... 1 ....
البرنامج !~

في وايد برامج حق الـ Torrent ..
بس من تجربة شخصيه الـ Bitcomet أفضلهم ,

طبعا تقدرون تنزلون البرنامج من هني ..
http://www.download.com/BitComet/300...=uo&tag=button

عقب ما تنزلونه تخلونه , وتروحون حق المرحلة الثانيه ...

:
:

.... 2 ....
الفلم !~

الفلم إلي بخاطرك وتبيه ....
ما عليك إلا تروح هالسايت ,
http://btjunkie.org/

هذا أحسن سايت حق الأفلام والمسلسلات ......
تقريبا فيه كل شي يخطر عالبال !

الطريقة عشان تنزلون الفلم بالبداية تروحون صوب " Search " وتكتبون إسم الفلم إلي تبونه ..



عقب ما تطقون " Go " .. راح تطلع لكم لسته كبيره !
عشان تعرفون تختارون الفلم الصح .....
لازم تراعون كذا شغله !



ملاحظات مهمه :-
Torrent Name : مو بالضروره كل الي يطلعون يكونون لنكات للفلم المطلوب ...
لان ممكن الفلم يتشابه مع إسم مسلسل أو إغنية او أيا كان ..!
عشان تعرف إنه هذا فلمك إلي تبيه ...
لازم تتأكد من كلمة " DVD " و يكون موجود إسم الفلم + سنة إنتاج الفلم ! ..

Seed : كل ما زاد عدد الـ Seed كل ما زادت سرعة الـ Download .....
لان عملية الـ Torrent صايره Sharing ..!
كل ما زادو إلي ينزلون الفلم , كل ما زادت السرعة عندك ....
لان سرعة هذا تنحط على سرعة هذا فـ يصير أسرع وأسرع ..!
فـ إذا كنتوا بتنزلون فلم , ولقيتوا أكثر من Link حقه عقب ما تأكدتوا من الإسم ..
روحوا جيكو عالـ Seed .. وكل ما زاد العدد كل ما صار أسرع وأفضل !

Health : طبعا هم هذا يفرق معاك ... ضروري إنكم تنزلون الفلم إلي يكون الـ Health ماله أخضر ..
الأحمر ما يكون أوكي .... إما بطيء او ما ينزل بسرعه أو يعلق ! أو ما يشتغل خير شر

.......................... عقب ما تختارون اللنك إلي تبونه , تضغطون عليه !
راح يفتح لكم صفحه ..



بهالصفحة راح تعرفون شغله أخيره قبل لا تنزلون الفلم .....

أول شي ...
الـ Torrent Downlaod حق الـ Downlaod طبعا ..
بس قبل لا تسوي داونلود لازم تتأكد من شغله ..
عشان ما تنزل الفلم وتنطر تنطر تنطر , واخر شي ما يشتغل !!!!
دايما إقرى الـ Comment المكتوب عالفلم ..!
إلي كاتبين Fake Fake بالصوره الي حاطها !!!
طبعا Fake Report يعني الفلم مو شغال ! فـ لا تنزله ....
إذا قريت الكل كاتب Fake وساعات يندمجون ويسبون , لا تنزل الفلم لان ما يشتغل ..
أما إذا كاتبين Good Quality او اي شي ثاني يبين إنه الفلم شغال نزله ..

.............. عقب ما تتأكد إنه كل شي أوكي , مو Fake وشغال !
تروح Torrent Download وترعص على إسم الفلم !

على طول راح يطلعلك ....



يفضل تختار Open لان ماراح تحتاج الفايل يكون متسيف عندك ..

بعد ما تسوي Open راح يفتحلك الـ Bitcomet ..... البرنامج إلي نزلته أول شي !
راح يطلعك إسم الفايل وجذي ... حط OK !



طبعا عشان تكونون بالصوره هذي أهم الأشياء إلي لازم تعرفها وإتابعها ...
File Name : أكيد معروفه , إسم الفلم .
Size : حجم الملف إلي منزله !
بالغالب إذا فلم دايما يكون حجمه 700 MB أو أكثر بشوي ! وإذا حلقة من مسلسل 200 MB !
% : جم قاعد يوصل من الفلم .
Download : سرعة الداونلود بالثانيه .
Upload : سرعة الأبلود بالثانيه .
كل ما زاد الـ Upload زاد الـ Download .. وكل ما قل راح يقل الداونلود ..

هذي أهم الشغلات ..
وهم في شغله مهمه ......



روحوا Options , عقب Preferences ......
تختارون Connection ,
وعقب خلو الـ Global Max Downloaded Rate و الـ Global Max Uploaded Rate نفس الصوره ...
عشان يعطيكم أكبر قوة وأسرع سرعه ...

............................. وبس !
جذي شغلكم إنتوا أوكي ...
تنطرون عالفلم لما ينزل ! ولما ينزل راح تشوفونه وتستانسون فيه !


لحظة يبه !
ما تبون ترجمه حق الفلم !
أكيد تبون !


.... 3 ....
الترجمة !~


حق الترجمة تحتاجون شغلتين :-
1 - سايت تنزلون منه الترجمه العربيه أو الإنجليزيه .
2 - برنامج يفهم الترجمة ويركبها عالفلم !


1 - http://subscene.com/
هذا أحسن سايت ترجمات موجود تقريبا ...
طريقته طبعا سهله ما يبيلها شرح !
تدخلون عليه , Search .. إسم الفلم ! تطلع ترجمات وايده منها الـ Arabic , ومنها الـ English ومنها وايد لغات !
Click عالترجمة ,
راح ينزل لكم كذا طريقة .....
إذا كان Win Rar .. تفتحون الضغط وراح تطلع الترجمة !
بالغالب دايما تكون صيغة الترجمة ,
إما SUB. ... او ... SRT. !~

2 - BS PLAYER
http://download4.bsplayer.com/downlo...r.php?typ e=1
من هالسايت تقدرون تنزلون البرنامج إلي يفهم الترجمة ويشغلها مع الفلم ....

وبالنهاية طريقة دمج الترجمة مع الفلم سهلة ....
شغل الفلم , إسحب الترجمة وحطها بالبرنامج !
و Enjooooy MEN GALB !

:
..
:

هذا كان شرح بسيط حق إلي ما عندهم خبر عن هالطريقه السهله إلي تريحك من الـ DVD ...
صراحه من بديت أنزل أفلام من النت , نسيت شي إسمه DVD !
أول شي يغنيك عن حجم القوطي والمكان إلي بياخذه !
ثاني شي سرعة الفلم إنه يكون عندك بدل عبالة تطلع من البيت وتدور الفلم ..
وأخر شي يريحك ماديا ! .. أفلام بلاش !

عالعموم إنشالله تكونون إستفدتوا من الشرح ..
و أي إستفسار حاضرين وبالشوفه ... : ) !

تحياتي لكم ....